Poslovne vesti - Makedonija

МЕПСО купи опрема вредна над два милиони евра

Македонскиот електропреносен систем оператор (МЕПСО) објави дека купува опрема во вредност од над два милиони евра за 400 kV (киловолтно) и 110 kV (киловолтно) напонско ниво.

За таа цел претставници на АД МЕПСО и на АББ, реномиран шведски производител на електро-опрема, денеска склучија договор за купопродажба, испорака и инсталација на високонапонска опрема за 16 трафостаници.

Во рамки на овој проект финансиран со кредитна линија од Светската банка набавени се прекинувачи, одводници на пренапон и мерни трансформатори за далеководни полиња на 400 kV и на 110 kV напонско ниво,  раставувачи за 110 kV напонско ниво и друга дополнителна опрема, се појаснува во соопштението на МЕПСО.

Инсталацијата на новата опрема АББ ќе треба да ја изврши во наредните пет месеци.